“LIIMAR AGRO GOODS TOMORQA XIZMATI KLASTERI”ning ochilishi

O‘zbekiston Respublikasi Prezidentining 2021 yil 16 dekabrdagi PQ-54-sonli qaroriga asosan Farg‘ona viloyati Farg‘ona tumanida joriy yilda tashkil etilishi rejalashtirilgan “LIIMAR AGRO GOODS TOMORQA XIZMATI KLASTERI”ning 2022 yil 10 dekabr kuni ochilish marosimi bo‘lib o‘tdi. Shu munosabati bilan sektor rahbarlari, viloyat hamda tuman fermer, dehqon xo’jaliklari va tomorqa yer egalari kengashi rahbarlari va o‘rinbosarlari, MFY raislari va faollari, tuman hokimi yordamchilari, tomorqa xizmati MChJ rahbarlari va boshqa tegishli rahbar va mutaxassilar ishtirokida seminar tashkil etildi. Seminar ishtirokchilarini klaster faoliyati va yo‘nalishlari bilan to‘liq tanishtirildi hamda kelgusida amalga oshiriladigan ishlar yuzasidan to‘liq axborot berildi. Shuningdek, klaster faoliyatini tashkil etish uchun Fermer, dehqon xo‘jaliklari va tomorqa yer egalarini qo‘llab-quvvatlash jamg‘armasi mablag‘lari hisobidan 3,0 mlrd. so‘m imtiyozli kredit mablag‘lari ajratib berilganligi aloxida ta’kidlab o‘tildi. Natijada klaster faoliyatini 12 ta yo‘nalish bo‘yicha to‘liq amalga oshirilishi hisobiga 50 ta yangi ish o‘rni yaratilishiga erishiladi. Seminar yakunida tashrif buyurgan mehmonlarga seminar dasturxoni yozildi.